大空o-camp

HKU SPACE CC O-CAMP 08年9月1-3日
本身是比面小學和中學的同學才參加的，$440蚊，真係去3日2夜既camp最貴一次，不過呢個camp雖然不太完美，但是真的值得一去，因為係CAMP入面我有好多個第一次。
第一日，玩城市定向，我估唔到組爸會抽左一簽，第一個check point竟然係終點烏溪沙，我真係第一次個start point就係終點，真係唔知點玩，結果我地由終點玩返轉頭，不過都係玩得4個POINT，人地第一個point抽到淺水灣，一開始就有double分數打底，吹漲=.=
玩完城市定向，返到去烏溪沙，分完房就開始BBQ，點知又出左好多個第一次，第一次等個半鐘頭為左等OC買舊炭精起火，第一次個FOOD PACK係用某肉類的血水混和其他食物放在一起，第一次係草地踢乒乓波，之後返到房又有好多第一次，第一次玩DOUBLE UNO，第一次睇人玩UNO一開波就輸239分，第一次玩UNO DARW人32隻牌。
第二日剩係玩左朝早個game之後就因為落雨cancel左之後個game，返房打麻雀，之後去學舞，再去搵人練舞，再到放晚去跳舞，好攰，之後返房就同其他房既人四圍去挑人機去玩，玩到5點幾先訓。
第三日係個HALL到其實唔知為咩，不過都算數啦，鬼叫落雨咩。
不過呢次OCAMP一共五百七十幾人，真係好正好好玩，真無識到好多好多人，我第一次係短短3日2夜入面識成2百幾人，真係有d恐怖，哈哈！