推理下的堅持

話說今日我係千千Cafe上面見到一篇post，內容係講屋企人唔支持同希望佢講佢想讀既科目，因而好煩惱，我見到呢個post之後唔知點解會想起你，之後就假設左好多野咁回覆返比果個人，希望果個人能夠堅持著自己既意願，唔好放棄。

我覆佢既內容︰
我支持你為左自己既興趣同志願去堅持
雖然屋企人係反對 但佢無權利去控制到我地既生活
若果依照佢地既說話做 無錯 可能將來既生活係會好一點
但是這份工作會真的快樂嗎
或者我地選擇既 將來可能係會好痛苦同辛苦
但係呢d痛苦同辛苦係我地自己選擇既 就算後悔都是自己的事 與人無尢
何況將每一份工作都區別出來 難道一辛苦就不做嗎
個個人因為辛苦而不做那份工作
試想想大家假若有一天身體不適 需要去醫院作治療
但是因為醫院內的工作辛苦而沒有人肯做而導致人手不足
只有數個醫療人員 但他們需要應付比他們多數十倍的病人
而你就要等待比你早來的病人們先完成醫治後才輪到你
你會有什麼感覺 不滿?? 可否記得當初你也是反對當醫護人員之一的啊!!!
為什麼我會提醫護人員呢 是因為我知道我身邊的朋友有興趣做醫護人員
在今年jupas的25個選擇當中放了理大某醫護科目在band A
但是她的家人反對她做醫護人員
(其實係我估佢想讀醫護科目...因為我曾經同佢傾過計....佢同我講佢最想入poly....而我又曾經見過佢著St.John既制服返學校.....所以我估佢最想入理大既醫護科目....而我都唔知佢屋企人支唔支持佢 ...全部好似幫佢作左個背景...如果佢睇到又知我講緊佢既話....希望佢唔好嬲啦......雖然好似全屬虛構....但是我只是聯想出來想說出工作...興趣...同志願....三個的重要性....比個理由自己同佢據理力爭)

同時 有工作不辛苦嗎??
雖然有些工作所賺的錢比其他工作多
但是金錢能夠補償到我地失去左既興趣同志願嗎??

如果我的假設真的發生在你身上，我好希望你都能夠堅持著自己的意願，自己的興趣才是最重要的!