明天jupas放榜

明天jupas就放榜，雖然知道自己無法再參與這件事，但是在這一星期裡，我覺得非常嚇怕，因為我好擔心你派唔到自己很想讀的科目，因而煩惱和不開心。
我從別人口中得知原本你和我之前估的結果一樣，很想讀護理，我知道你很有決心入讀，但是最終結果要明天才知道，我好希望你真係入到呢一科如願以償。
林穎心，加油！雖然你可能不知道，但是我會在你背後默默地支持你！

不知所措

今日一早出左去中銀買記念banknote，好幸運，竟然比我買齊晒5款，連只係出2萬張既都買到，好開心！
之後去左i仔睇batman，真係好好睇，估唔到咁快出埋雙面人。
之後返到屋企，我個妹話左一句野，結果搞到屋企人決定離婚，這是一件好事來的，我應該會為這件事情慶祝，但是當晚我便由西村搬到石排灣舅父家中暫住，一想到要搬到和林穎心相隔咁遠既地方，真係有d唔捨得，因為自從AL考完之後，雖然當時和你只是一街之隔，但這幾個月來只是上星期遇上你一次那麼少，很不甘心。

移情別戀

頭先睇劇集移情別戀，當講到Jason班機出事，但返到黎香港之後知道飛機爆炸最掛住果個人果陣，我先諗返起之前5月果陣一個人去九寨溝玩完返黎果日，我返到屋企之後無耐就睇到電視話四川地震果時，我果刻真係諗起你，本身我自己都不以為然，但是看了剛才那幕之後，我才回想起來我也有類似的經歷，但現在再加以之前的想法，我很矛盾，我不知道我竟然想和你是什麼關係，一時是朋友，一時是情侶，這些想法令我很辛苦，我真的不知道應該怎樣做！

無膽

琴日先驚要再年幾先再見到你，點知又比我頭先係香港仔買材料整甜品坐595返黎果陣見到你，不過見你同屋企人一齊結果都無行過去，不過見到你好似無咩野，啫係你無唔開心啦，我個人都開心返d，不過落左車之後，我發現自己竟然就算得你一個人係車，我都未必有膽行過去，我發生咩事﹖結果今晚又開左支紅酒飲，呢兩個幾月第3支啦！我估唔到我就算花光心機考果個AL，出黎既成績幾差都好，我都無借酒消愁，但是因為你，我竟然係兩個月內開左三支紅酒黎飲，我知我今次真係好認真，有點兒發覺真的比考AL更認真，是否因為你在我係AL中最迷茫的時候對我說要豁出去考呢次試而令我真的豁出去盡全力去考呢次試，但係結果卻事與願違，難道因為咁而令我覺得很愁？是！我真的是覺得很愁，或許是因為在AL後想多了....再係咁落去....我驚我會成為一個酗酒者....

感覺很怪

今日無意間比我知道左一個你的消息，如果是以我個人著想的話，這本是個好消息。但是我不知為何會因而感到不快，只要一想到有人向你說那種事自己自然就會不高興，呢種感覺我可以肯定唔係一般朋友的關心，或許可能知道自己不能為你做些什麼而能令你開心，又給別人快了自己一步，何況，若果是有緣份的話，我們應早已經再次遇上了，為何經常每次都要我隔這麼久才遇上你一次，難道下一次見面又要等多年幾??

不懂過的關卡

就如註定論所說，比我有幸遇到你，但是過了一關之後，我發覺我而家呢關唔識過，呢兩個幾三個月黎我一直卡死左係呢一關，我不斷係到原地踏步，為何緣份呢關我過不了，難道我在之前的關卡選擇錯了，以導致我要面對緣份呢關?
我真的有點在這關迷失了，我完完全全不知道這關的終點，更不知道有什麼方法去完成呢一關，要過關就好似時間性的問題，時間我有，但是我最擔心既係呢一關會有時間限制，從而因為時間倒數完畢而令自己落敗!

註定論

今日成班chem group約左化學老師去左香港仔富林飲茶，傾左好多野。
佢提起左哲學中既註定論，註定論當中，好多野都係一出生已經註定左你既一生，父母，家庭，學業，愛情，生死！就好似打機咁，你每過一關，都必須做一些指定的動作，呢D過關既動作就好似人生咁，都要經歷過人生起伏而令自己改變。但係每次過關，你都係有權選擇，選擇過關之前所做既事，從而改變接下來的一關甚至係結局既好壞。當然你可以中途放棄而自殺，但是你捨得把遊戲就這樣草草結束嗎？
別一個比喻就是我們都是棋盤上的一隻棋子，我們不會預知呢盤棋最終既結果，但是我們在棋盤上有著各種不同的變化，每個變化都可以改變之後既局面，但是最終的輸贏是一早已經註定的，之前的變化只是為結果鋪路。
人不可改變一切，但是人有選擇，從而不斷為自己改寫自己的結局，註定論的真意是指你必須經歷某些特別關卡，雖然是註定，但註定之中你還有一定的選擇去面對呢d特別關卡，所以選擇才是人生之中的關鍵！

高考回顧

兩年前，為了一啖氣，所以明知高考無可能都夾硬升上去讀AL。
兩年後，啖氣係出左，只不過卻因一早已定的事實而煩惱。
我一個人走左去海邊散步，想想究竟呢兩年我得到左d咩。
我來來回回咁行左好多次，我發現自己講唔出呢兩年我得到了什麼。
現今AL的成績使我和中五時能選擇的沒有分別，只知道一定不會REPEAT，那為什麼中五時不直接選擇這些出路﹖
現在的我白白浪費了兩年時間，再加上未來三年，總共比別人多了三至四年時間去完成同樣的事情，我當時係咪真係選擇錯誤以形成今日既局面。
雖然呢兩年利益計落，我的確浪費左兩年時間，但我慶幸的是，在這兩年裡，我得到了一班好同學，好同伴，這是我用兩年唯一的得益。
用了兩年時間，我又回到了原點，心中的確有點害怕及驚恐，因為我完全唔知再進修落去會否又再行返去回點，我正在為將來迷失中﹗

放榜之後...

琴日朝早，學校有hku space既人黎左學校收表，我交完之後就出發去左ive，之後係city果陣佢打黎叫我聽日約個時間去in，咁好今朝就去左in啦，去到唔知點解比人當人球送左去asso果邊，之後發現左去返HD果面，而途中見到不了朋友，大家都咁上下成績，真係慘。
不過我估唔到係我拎完張學費通知書等緊朋友果陣，竟然見到之前4月1號被我借過橋玩人果個女仔，有點驚訝，因為我個多小時前看見了林廣明，估不到還會看到她，因為我諗都無諗過佢也會入space。
我走左過去問佢入邊科，淺談了一會，其實當時心想很想問下karen既成績，不過最後還是沒開口，因為我不知道若果這樣問的話，會或真的做多了，同時我開了口問她的話，我豈不是又利用了她去知道你的事情，所以到最後還是算了，我們隨緣吧！